| Y Llwynog | |
| Doe yr oeddwn, dioer eddyl, | |
| Dan y gwŷdd, gwae'r dyn nyw gwŷl, | |
| Gorsefyll dan gyrs Ofydd | |
| 4 | Ac aros gwen goris gwŷdd. |
| Mal 'roeddwn, inseiliwn sail, | |
| Lonyddaf dan lwyn addail — | |
| Gwnaeth ar fy hwyl ym wylaw — | |
| 8 | Gwelwn, pan edrychwn draw, |
| Llun gwrab lle ni garwn, | |
| Llwynog coch, ni châr llên cŵn, | |
| Yn eiste fal dinastwrch | |
| 12 | Gair ei ffau ar gwr ei ffwrch. |
| Anelais rhwng fy nwylaw | |
| Fwa yw, drud a fu draw, | |
| Ar fedr, fal gŵr arfodus, | |
| 16 | Ar ael y rhiw, arial rhus — |
| Arf i redeg ar frodir — | |
| Ei fwrw â saeth ofras hir. | |
| Tynnais, o wyrgais, ergyd | |
| 20 | Heb y gern heibio i gyd. |
| Mau och, aeth fy mwa i | |
| Yn drichnap, annawn drychni. | |
| Llidiais, nid arswydais hyn, | |
| 24 | Arth ofidus, wrth fadyn. |
| Gŵr yw ef a garai iâr, | |
| A choeg edn, a chig adar, | |
| Gŵr ni ddilid gyrn ddolef, | |
| 28 | Garw ei lais a'i garol ef. |
| Gwridog yw ym mlaen grodir, | |
| Gwedd âb ymhlith y gwŷdd ir, | |
| Lluman brain garllaw min bryn, | |
| 32 | Llamwr erw, lliw maroryn, |
| Drych nod brain a phiod ffair, | |
| Draig unwedd daroganair, | |
| Cynnwr frŷn, cnöwr iâr fras, | |
| 36 | Cnu dihareb, cnawd eirias, |
| Taradr daeargadr dorgau, | |
| Tanllestr ar gwr ffenestr ffau, | |
| Bwa latwm di–drwm draed, | |
| 40 | Gefel unwedd gylfinwaed. |
| Nid hawdd ymy ddilid hwn | |
| A'i dŷ annedd hyd Annwn. | |
| Deugwae'r talwrn lle digwydd, | |
| 44 | Delw ci yn adolwg gŵydd. |
| Rhodiwr coch, rhydaer y'i caid, | |
| Rhedai 'mlaen rhawd ymlyniaid. | |
| Llym ei ruthr, llamwr eithin, | |
| 48 | Llewpart a dart yn ei din. |