| Y Rhugl Groen | |
| Fel yr oeddwn (mawl rhwyddaf) | |
| ryw ddiwrnod o'r haf | |
| dan goed rhwng mynydd a maes | |
| 4 | yn aros am fy merch dawel ei geiriau, |
| dod a wnaeth hi (ni waeth [imi] wadu) | |
| i'r lle'r addawodd, lloer ddigamsyniol [ydoedd hi]. | |
| Cydeistedd [a wnaethom] (pwnc ardderchog, | |
| 8 | peth petrus), mi a['r] ferch; |
| cyd-ddweud (cyn i['m] hawl ballu) | |
| geiriau â merch ragorol. | |
| A ni felly (roedd yn wylaidd) | |
| 12 | yn deall serch ein dau, |
| dyfod a wnaeth (nychdod amddifad o faeth) | |
| gyda chri (ryw gamp aflan) | |
| greadur bach salw ei sŵn (gwaelod sach [yn gwneud] sŵn) | |
| 16 | yn rhith bugail. |
| A chanddo roedd (datganiad cas) | |
| rhugl groen flin grin ei boch a chras ei chorn. | |
| Canodd (lletywr [â] bol melyn) | |
| 20 | y rhugl groen; och i'r goes grachlyd! |
| Ac yno heb fodloni | |
| dychrynodd [y] ferch hardd, gwae fi! | |
| Pan glywodd hon ([â] bron wedi ei thorri gan glwy) | |
| 24 | nithio'r cerrig, nid arhosai ddim mwy. |
| Dan Grist, ni bu tôn mor arw yn y byd Cristnogol | |
| (enwogrwydd hwch): | |
| cod [ydyw] ar ben ffon yn cadw sŵn, | |
| 28 | caniad cloch o gerrig mân a gro; |
| llestr [â] cherrig Seisnig yn gwneud sŵn | |
| [yn] grynedig mewn croen eidion; | |
| cawell tair mil o chwilod, | |
| 32 | crochan rhyferthwy, cwdyn du; |
| ceidwad gwaun, yn cydoesi â gwellt, | |
| du ei chroen, yn feichiog o ysgyrion crin. | |
| Cas [yw] ei llais gan hen iwrch, | |
| 36 | cloch ddiawl, a pholyn yn ei ffwrch. |
| Cramen greithiog â chroth o ro yn cario cerrig, | |
| yn gareiau [ar gyfer] byclau y bo. | |
| [Bydded] oerfel i'r taeog anhrefnus ei olwg | |
| 40 | (amen) a ddychrynodd fy merch. |