Y Wawr

	Uchel yr wyf yn ochi,

	Echnos y bu hirnos hi,

	A bernos, medd y beirniad,

4	A bair gwen heb un gair gwad.

	Echnos, dyn oleudlos ŵyl,

	Wythnos fu unnos, f'annwyl.

	Neithiwyr y bûm mewn uthr bwyll,

8	Nyf gain, gyda nef gannwyll,

	Yn mynnu tâl am anhun,

	Yn aml barch yn emyl bun.

	Pan oedd ffyrfaf fy ngafael

12	A gorau 'mhwynt, gwrm ei hael,

	Uchaf len, awch aflonydd,

	Och wir Dduw, nacha wawr ddydd.

	'Cyfod', eb y gwen lenloyw,

16	'Cêl hyn; wel dyna'r coel hoyw.

	Deigr ynial dy garennydd,

	Dos i ddiawl; wel diso ddydd.'

	'Hirfun dda hwyrfain ddiell,

20	Hyn nid gwir; hynny neud gwell,

	Lleuad a roes Duw Llywydd,

	A sêr yn ei chylch y sydd.

	Hyn o dodaf henw didyb,

24	Honno y sydd dydd o dyb.'

	'Gwawr honnaid, pei gwir hynny,

	Paham y cân y frân fry?'

	'Pryfed y sydd yn profi,

28	Lluddio ei hun, ei lladd hi.'

	'Mae ci dan llef y dref draw

	Ag eraill yn ymguraw.'

	'Coelia fanag yn agos,

32	Cyni a wna cŵn y nos.'

	'Paid â'th esgusawd wawdwas,

	Pell boen a fynaig pwyll bas.

	Wrth gael taith, anrhaith unrhyw,

36	Antur i'th ddydd, anterth yw.

	Cyfod, er Crist, yn ddistaw,

	Ac agor y dromddor draw.

	Rhyfras camau dy ddeudroed,

40	Rhydaer yw'r cŵn, rhed i'r coed.'

	'Ochan! Nid pell y gelli,

	A chynt wyf finnau no chi.

	Ni'm gwŷl dyn ffel, ni'm delir,

44	O rhan Duw, ar hyn o dir.'

	'Dywaid hyn, fardd diwyd da,

	Er Duw ym, or doi yma.'

	'Deuaf, mi yw dy eos,

48	Diau, 'y nyn, o daw nos.'