Y Breuddwyd | |
Fal yr oeddwn, gwn heb gêl, | |
Yn dargwsg mewn lle dirgel, | |
Gwelais ar glais dichlais dydd | |
4 | Breuddwyd ar ael boreuddydd. |
Tybiwn fy mod yn rhodiaw | |
A llu bytheiaid i'm llaw, | |
Ac yn cerdded y gwledydd | |
8 | A'r tir adwaenwn hyd dydd, |
Ac i fforest yn gestwng, | |
Teg blas, nid tŷ taeog blwng. | |
Gollyngwn i yn ddioed, | |
12 | Debygwn, y cŵn i'r coed. |
Cynydd da, iawn ddawn ddifri, | |
Ar a dybiwn oeddwn i. | |
Clywwn oriau, lleisiau llid, | |
16 | Canu'n aml, cŵn yn ymlid. |
Ewig wen goruwch llennyrch | |
A welwn, carwn y cyrch, | |
A rhawd fytheiaid ar hynt | |
20 | Yn ei hôl, iawn eu helynt. |
Cyrchu'r allt yn ddiwalltrum | |
A thros ddwy esgair a thrum, | |
A thrachefn dros y cefnydd | |
24 | Ar hynt un helynt â hydd, |
A dyfod wedy'i dofi, | |
A minnau'n ddig, i'm nawdd i. | |
Dwyffroen noeth—deffroi wneuthum. | |
28 | Ŵr glwth, yn y bwth y bûm. |
Cyrchais gongl ar ddehonglydd | |
Drannoeth fal y doeth y dydd. | |
Cefais hynafgwraig gyfiawn | |
32 | Pan oedd ddydd yn ddedwydd iawn. |
Addef a wneuthum iddi, | |
Goel nos, fal y gwelwn i. | |
'Rho Duw, wraig gall, pe gallud | |
36 | Rhyw derfyn ar hyn o hud, |
Ni chyfflybwn, gwn ganclwyf, | |
Neb â thi. Anobaith wyf '. | |
'Da beth, y diobeithiwr, | |
40 | Yw dy freuddwyd, od wyd ŵr: |
Y cŵn heb gêl a welud | |
I'th law, pe gwypud iaith lud, | |
Dy hwylwyr, diau helynt, | |
44 | Dy lateion eon ŷnt, |
a'r ewig wen unbennes | |
A garud ti, hoen geirw tes. | |
Diau yw hyn y daw hi | |
48 | I'th nawdd, a Duw i'th noddi'. |