Cystudd Cariad

	Curiodd anwadal galon,

	Cariad a wnaeth brad i'm bron.

	Gynt yr oeddwn, gwn ganclwyf,

4	Yn oed ieuenctyd a nwyf,

	Yn ddilesg, yn ddiddolur,

	Yn ddeiliad cariad y cur,

	Yn ddenwr gwawd, yn ddinych,

8	Yn dda'r oed ac yn ddewr wych,

	Yn lluniwr berw oferwaith,

	Yn llawen iawn, yn llawn iaith,

	Yn ddogn o bwynt, yn ddigardd,

12	Yn ddigri, yn heini'n hardd.

	Ac weithian, mae'n fuan fâr,

	Edwi 'ddwyf, adwedd afar.

	Darfu'r rhyfig a'm digiawdd,

16	Darfu'r corff, neud arfer cawdd,

	Darfu'n llwyr derfyn y llais

	A'r campau—dygn y cwympais.

	Darfu'r awen am wenferch,

20	Darfu'r sôn am darfwr serch.

	Ni chyfyd ynof, cof cerdd,

	Gyngyd llawen nac angerdd,

	Na sôn diddan amdanun',

24	Na serch byth, onis eirch bun.