Y Gal

	Rho Duw gal, rhaid yw gwyliaw

	Arnad â llygad a llaw

	Am hyn o hawl, pawl pensyth,

4	Yn amgenach bellach byth.

	Rhwyd adain cont, rhaid ydiw

	Rhag cwyn rhoi ffrwyn yn dy ffriw

	I'th atal fal na'th dditier

8	Eilwaith, clyw anobaith clêr.

	Casaf rholbren wyd gennyf,

	Corn cod, na chyfod na chwyf,

	Calennig gwragedd-da Cred,

12	Cylorffon ceuol arffed,

	Ystum llindag, ceiliagwydd

	Yn cysgu yn ei blu blwydd,

	Paeledwlyb wddw paladflith,

16	Pen darn imp, paid â'th chwimp chwith,

	Pyles gam, pawl ysgymun,

	Piler bôn dau hanner bun,

	Pen môr-lysywen den doll,

20	Pŵl argae fal pawl irgoll.

	Hwy wyd na morddwyd mawrddyn,

	Hirnos herwa, gannos gŷn,

	Taradr fal paladr y post,

24	Benlledr a elwir bonllost.

	Trosol wyd a bair traserch,

	Clohigin clawr moeldin merch.

	Chwibol yn dy siôl y sydd,

28	Chwibanogl gnuchio beunydd.

	Y mae llygad i'th iaden

	A wŷl pob gwreignith yn wen.

	Pestel crwn, gwn ar gynnydd,

32	Purdan ar gont fechan fydd,

	Tobren arffed merchedau,

	Tafod cloch yw'r tyfiad clau,

	Cibyn dwl, ceibiai dylwyth,

36	Croen dagell, ffroen dwygaill ffrwyth.

	Llodraid wyd o anlladrwydd,

	Lledr d'wddw, llun asgwrn gwddw gŵydd,

	Hwyl druth oll, hwl drythyllwg,

40	Hoel drws a bair hawl a drwg.

	Ystyr fod gwrit a thitmant,

	Ostwng dy ben, planbren plant.

	Ys anodd dy gysoni,

44	Ysgwd oer, dioer gwae di!

	Aml yw cerydd i'th unben,

	Amlwg yw'r drwg drwy dy ben.