Yr Euryches | |
Euryches y cae mangoed | |
O ryw bedwenfrig erioed, | |
Ennill ym fydd, goedwydd ged, | |
4 | O chawn elw, ei chyniled. |
Er achub crefft eurychaeth | |
I efail o ddail ydd aeth | |
Ac ennill clod ac annerch | |
8 | Ac â'i llaw sawduriaw serch. |
Â'i neddair, fy eurgrair fwyn, | |
Y nyddodd fedw yn addwyn; | |
A'm cain euryches ni'm cawdd, | |
12 | Em cenedl, a amcanawdd |
Cyflunio cae o flaenion | |
Cadair o frig coed o'r fron: | |
Coedyn bach a rwym ceudawd, | |
16 | Crefft hysbys rhwng bys a bawd. |
Canwell yw no chae ceinwefr | |
Cae o wallt pen bedwen befr. | |
Caeog wyf o frig gwyal, | |
20 | Caeau y Deau a dâl. |
Cywir y ceidw ym hiroes, | |
Cywair wyf o'r cae a roes. | |
Fy nghae bedw, da y'i cedwir, | |
24 | O'r coed a wnâi hoed yn hir. |
Fy mudd yw, nis maddeuaf, | |
Fy mywyd ar hyd yr haf, | |
Fy mab, fy mrawd didlawdfoes, | |
28 | Fy medw rhwym; fy myd a'i rhoes. |
Golygawd, grefft briawd brudd, | |
Gem irfedw oedd gae Morfudd. | |
Dellt yw fy mron, rylon rus, | |
32 | Dan gae bedw dyn gwybodus. |
Gwaith cymen ar fedwen fad, | |
Gweddeiddio gwŷdd a wyddiad. | |
Gwell ei hamcan no Siannyn | |
36 | Eurych, treth fynych a fyn. |
Gwŷdd meinion a gysonai; | |
Gwyn ei fyd y gwan a fâi— | |
Eurai fy llaw ar fy lles— | |
40 | Ar uchaf ei euryches. |