Taith i Garu
A gerddodd neb oherwydd ei serch
[cymaint ag] a gerddais i,
gorthrwm serch [yn sgil] angerdd eithafol,
4 [trwy] rew ac eira a [thrwy] law a gwynt [hefyd] er mwyn yr un
ddisglair ei gwedd?
Ymweliad gan nychdod yn unig a gefais.
Ni chafodd [neb arall] erioed [a aeth]
ar droed i Gellïau'r Meirch [ac] ar draws Eleirch
8 chwithdod mwy eithafol, colli bendithion [yr un] euraid [a
wneuthum],
ac i dir diffaith, [mynd] yn unswydd [a wnawn]
nos a dydd, ac nid [oeddwn] yn nes [at gael fy] ngwobr.
O! Dduw, uchel oedd gwaedd y dyn hwn
12 yng Nghelli Fleddyn:
er ei mwyn hi bûm yn cyhoeddi [fy serch],
er ei mwyn hi bûm yn tystio i'm serch.
Bysaleg [a'i] murmur tawel a llaes,
16 [a] bwrlwm ei llif wedi ei gau [rhwng glannau] yr afonig fer a
chul,
byddwn yn cerdded yn fynych ac yn feunyddiol trwyddi
er ei mwyn hi.
Awn yn frwd a pharod i Fwlch Meibion Dafydd,
20 poen dwys [sydd] i'm rhan,
ac ymlaen draw i'r Gamallt
ac i'r Rhiw er mwyn yr un â'r gwallt prydferth.
Awn yn fy mlaen yn fuan o'r copa
24 i Fwlch y Maen [ac i'r] agen gul rhwng y clogwyni
er mwyn cadw llygad ar y dyffryn helaeth
oherwydd yr enethig a'i gwisg o ffwr.
Ni all lwybreiddio heibio i mi
28 nac yma nac acw yn llechwraidd.
Bûm [yn rhodio] yn daer ac yn frwd
ar hyd Pont Cwcwll [bob] haf
ac yng nghyffiniau Castell Gwgawn
32 [a'm] hymarweddiad [megis] cyw gwydd yn cael [pigo
ymhlith] y brwyn.
Euthum ar ras heibio cartref Heilin
[megis] bytheiad dyfal a'i wynt yn ei ddwrn yn dilyn trywydd [yr
helfa].
Arhosais [yn llonydd] ger neuadd Ifor
36 fel mynach yng nghornel cangell yr eglwys
i geisio cwrdd â Morfudd deg
er nad oedd yn addo [fy] ngwobrwyo.
Nid oes ar lechweddau dyffryn Nant-y-glo
40 na bryn na phant serth
nad wyf yn eu hadnabod ar fy nghof yn sgil fy angerdd a'm
treiglo helaeth,
Ofydd helaeth ei ddysg [ydwyf].
Wrth alw trwy fy nwrn hawdd i mi yw
44 [sicrhau fy] ngwobr [yng] Ngwernytalwrn, [sef fy] union
fwriad,
lle y cefais weled, anrheg annwyl,
morwyn luniaidd yn ei hugan tywyll
[a] lle y gellir gweld hyd y dydd heddiw
48 ffurf ein gorweddfan dan lwyni cysgodol
heb borfa yn tyfu [yno nac unrhyw] goedach,
mangre'r dail mân, fel llwybr Adda.
Gwae yr enaid heb rodd
52 nac unrhyw warant o gwbl [yn arfogaeth] rhag cystudd [y
Farn]
os bydd rhaid iddo ddilyn yr un ffordd yn llwyr
ag a ddilynodd y corff truenus.