â â â Gofyn Cymod
1â â â Teg Forfudd, Tegau eurfalch,
2â â â Tywyn haul daer ar gaer galch,
3â â â Tâl am fy ngwawd cyn toli:
4â â â Twyll y prydyddion wyd di.
5â â â Tyfodd i'm bron gron o gred
6â â â Dolur dy anwadaled:
7â â â Rhai a'r a'th eilw 'y rhiain'
8â â â A ddywaid, fy enaid fain,
9â â â Na thrig ym, pendefig poen,
10â â â Dy gariad, deg ei goroen,
11â â â Mwy nog ewyn, gwynddyn gwiw,
12â â â Ar ôl dwfr, arial difriw.
13â â â Difawr sâl, hoen Dyfr o sud,
14â â â Deuwell y gwarandawud,
15â â â Dig ym glywed dy gymwyll,
16â â â Y dyn a ddoetai o dwyll,
17â â â Ar ei ruthr, air o athrod,
18â â â Degau glaer, no deg o glod.
19â â â Nid o'm bodd yr adroddwn
20â â â Arnad, ôd gawad, od gwn,
21â â â Dielw o serch, deuliw sêr,
22â â â Daldal, dy anwadalder.
23â â â Pe rhôn ym, pe rhin amwyll,
24â â â Mewn brwysgedd, tywylledd twyll,
25â â â Â doedyd gair cellweirus
26â â â Yrhwng ynfydrwydd a rhus,
27â â â Gwybydd, er buchedd Gybi,
28â â â Ddeuliw ton, na ddlÿud di,
29â â â Gem aur glaer, gymar y glod,
30â â â Gomedd croesan o gymod.
31â â â Gwen, gwybydd, dan freisgwydd fry,
32â â â Fy meddwl o'm gomeddy;
33â â â Ni chad o'm pen absennair.
34â â â Nid felly gwnaeth Mab maeth Mair
35â â â Am y dall, diamau dôn,
36â â â Ar ddaear, o'r Iddewon,
37â â â A'i gorug, bu chwedl girad,
38â â â Glwyfo'i fron â glaif o frad.
39â â â Swllt hoywfardd, syll di hefyd
40â â â Maint fu drugaredd, fy myd,
41â â â Morwyn wyrf, mirain ffyrf ffydd,
42â â â Merch Anna, mawr ei chynnydd,
43â â â Geinem, pan ei goganwyd
44â â â Siesu, blaid o Sioseb lwyd:
45â â â Ni wnaeth, ni bu annoethair,
46â â â Na daly gwg na dial gair.
47â â â Nid oes bechawd, fethlgnawd faith,
48â â â Marwol mwy ei oferwaith
49â â â No thrigo, mawr uthr ogan,
50â â â Mewn llid, eiliw Enid lân.
51â â â Deuliw'r haul, da loer yrhawg,
52â â â Dilidia, 'r dyn dyledawg.
53â â â Na fydd, teg yw'r crefydd tau,
54â â â Grynwraidd dros gryn eiriau,
55â â â 'Y myd, wrth dy brydydd mwy
56â â â Diledach, deoladwy.
57â â â Fy aur, cymer ddiheurad
58â â â Ac iawn lle ni aller gwad.
59â â â Cynnal faswedd i'th weddi:
60â â â Cymod, liw manod, â mi.