â â â Dan y Bargod
1â â â Clo a roed ar ddrws y ty,
2â â â Claf wyf o serch, clyw fyfy.
3â â â Dyred i'th weled, wiwlun,
4â â â Er Duw hael, aro dy hun.
5â â â Geirffug ferch, pam y gorffai?
6â â â Gorffwyll, myn Mair, a bair bai.
7â â â Taro, o'm annwyd dyrys,
8â â â Tair ysbonc, torres y bys
9â â â Cloëdig, un clau ydoedd,
10â â â A'i clywewch chwi? Sain cloch oedd.
11â â â Morfudd, fy nghrair diweirbwyll,
12â â â Mamaeth tywysogaeth twyll,
13â â â Mau wâl am y wialen
14â â â Â thi, rhaid ym weiddi, wen.
15â â â Tosturia fy anhunglwyf,
16â â â Tywyll yw'r nos, twyllwr nwyf.
17â â â Adnebydd flined fy nhro,
18â â â Wb o'r hin o'r wybr heno!
19â â â Aml yw'r rhëydr o'r bargawd,
20â â â Ermig nwyf, ar y mau gnawd.
21â â â Nid mwy y glaw, neud mau glwyf,
22â â â No'r ôd dano yr ydwyf.
23â â â Nid esmwyth hyn o dysmwy,
24â â â Ni bu boen ar farwgroen fwy
25â â â Nog a gefais drwy ofal,
26â â â Ym Gwr a'm gwnaeth, nid gwaeth gwâl.
27â â â Ni bu'n y Gaer yn Arfon
28â â â Geol waeth no'r heol hon.
29â â â Ni byddwn allan hyd nos,
30â â â Ni thechwn ond o'th achos.
31â â â Ni ddown i oddef, od gwn,
32â â â Beunoeth gur be na'th garwn.
33â â â Ni byddwn dan law ac ôd
34â â â Ennyd awr onid erod.
35â â â Ni faddeuwn, gwn gyni,
36â â â Y byd oll oni bai di.
37â â â Yma ydd wyf trwy annwyd,
38â â â Tau ddawn, yn y ty ydd wyd.
39â â â Amau fydd gan a'm hirglyw
40â â â Yma, fy aur, ymy fyw.
41â â â Yna y mae f'enaid glân
42â â â A'm ellyll yma allan.
43â â â Ymaith fy meddwl nid â,
44â â â Amwyll a'm peris yma.
45â â â Amod â mi a wneddwyd,
46â â â Yma ydd wyf, a mae 'dd wyd?