| Talu Dyled | |
| Cywyddau, twf cywiwddoeth, | |
| Cofl hardd, amdwf cathlfardd coeth, | |
| Ni bu ag wynt, pwynt apêl, | |
| 4 | Un organ mor annirgel. |
| Maendy serch unfam undad | |
| Yw fy mron a wnâi fy mrad. | |
| Holl gwmpas y lleidrwas llwyd | |
| 8 | O'r un oll yr enillwyd. |
| Rhoais iddi, rhyw swyddau, | |
| Rhugl foliant o'r meddiant mau, | |
| Gwrle telyn ac orloes, | |
| 12 | Gormodd rhodd; gŵr meddw a'i rhoes. |
| Heais mal oraihian | |
| Ei chlod yng Ngwynedd achlân. | |
| Hydwf y mae'n ehedeg | |
| 16 | Had tew, llyna head teg. |
| Pybyr fu pawb ar fy ôl, | |
| Ai 'Pwy?' oedd ym mhob heol. | |
| Pater noster annistaw | |
| 20 | Pawb o'r a gant llorfdant llaw |
| Ym mhob cyfedd, ryfedd ri, | |
| Yw ei cherdd yn wych erddi. | |
| Tafod a'i tyfodd canmawl, | |
| 24 | Teg ei gwên yw, amên mawl, |
| Cans ar ddiwedd pob gweddi, | |
| Cof cywir, y'i henwir hi. | |
| Chwaer ydiw, tywynlliw tes, | |
| 28 | I ferch Wgon farchoges. |
| Unllais wyf yn lle safai | |
| Â'r gog, morwyn gyflog Mai. | |
| Honno ni feidr o'i hannwyd | |
| 32 | Eithr un llais â'i thoryn llwyd. |
| Ni thau y gog â'i chogor, | |
| Crygu mae rhwng craig a môr. | |
| Ni chân gywydd, lonydd lw, | |
| 36 | Nac acen onid 'Gwcw!' |
| Gwŷs ym Môn mae gwas mynaich | |
| Fûm i yn ormodd fy maich, | |
| Yr hwn ni wna, da deutrew, | |
| 40 | Lafur ond un, lawfron dew. |
| Dilonydd bwyll, ddidwyll ddadl, | |
| Dilynais fal daly anadl. | |
| Defnyddio i'i hurddo hi, | |
| 44 | Defnyddiau cerdd dwfn iddi. |
| Yn iach bellach heb allel, | |
| Na chudd amdanai na chêl. | |
| Talm sydd iddi, os tolia, | |
| 48 | Ac o dodir ar dir da: |
| Saith gywydd i Forfudd fain | |
| Syth hoywgorff a saith ugain. | |
| Adyn o'i chariad ydwyf | |
| 52 | Aed ag wynt, dieuog wyf. |
| Ni ddeily cariad taladwy; | |
| Ni ddyly hi i mi mwy. | |