â â â Canu'n Iach
1â â â Hydr y gwddost, ail Indeg,
2â â â Hoedl i'th dâl, hudoliaeth deg,
3â â â Hoed a'm deily, hud a'm dilyn,
4â â â Hoyw dy dwf, er hudo dyn.
5â â â Gwaith pell o fewn gloywgell gled
6â â â Dy dreisio rhag dy drawsed.
7â â â Na ffo, cyfaro, forwyn,
8â â â Nid rhaid brys i'r llys o'r llwyn.
9â â â Trwyddedwraig llen bedwenni,
10â â â Trig a dyhudd, Forfudd, fi.
11â â â O doi i'r fedwgell bellach,
12â â â Fy nyn bychanigyn bach,
13â â â Nid ai drachefn, wiwdrefn wych,
14â â â Mawl a dâl, mal y delych.
15â â â Dygn na allaf dy atal,
16â â â Dy gaeth wyf, ddyn deg ei thâl;
17â â â Tost na allaf, rymaf rin,
18â â â Dy orlludd dan do eurllin.
19â â â Ni'th ddwg tynged o'th fedydd
20â â â Mal y'th ddug oed ymhlith gwydd.
21â â â Dyred o'm colled i'm cael
22â â â Lle'r addewaist, lloer dduael;
23â â â F'ewyllys ystrywus drud
24â â â A'i dialai be delud,
25â â â D'ymlid heb gael proffid prudd,
26â â â Ni chaf arfod, och Forfudd!
27â â â Dos, f'un enaid, yn gwbliach,
28â â â A Duw'n borth yt, y dyn bach.
29â â â Dos yn iach, gadarnach ged,
30â â â Dengoch fyfy o'r dynged.
31â â â Yn iach, y dyn bach, dawn byd,
32â â â Ac annerch dy hun gennyd.