Hwsmonaeth Cariad

	Büm yn caru, er fy mod yn nychu,

	ac rwyf [yn caru]'n fwy neu'n ddwywaith yn fwy [yn awr];

	gwarchod cariad mwyn iawn,

4	crupl y boen, ffrwyth croyw [y] cof.

	Cadw cariad a wneuthum yn fy mynwes,

	twyllwr, cnöwr cnawd.

	Cynyddu (gwyddai [beth yw] cwyn)

8	y mae yn fy mron (mam y brad)

	yn gynt na thyfiad (creadigaeth graff)

	brigyn o goeden blanedig braff ei brig.

	Fy mryd fu ceisio [cael] cnwd o garu

12	yn briodol [ac] yn barhaol.

	Aredig yn y gaeaf a wneuthum (gyda gofal addas),

	taliad o nwyf dolurus.

	Arddwyd y fron lawen, ddiofn a dwys

16	([ag] ergyd ddofn offeryn o bren onn) yn un cwys.

	Mae'r swch yn fy nghalon

	ac [mae] cwlltr y serch uwch elltydd.

	Ar y fron dde (clwyf sydyn)

20	hau a llyfnu['r tir yn] llifeiriol ei nwyf,

	ac aradr gwych, cadarn a doeth

	i fraenaru'r fron arall.

	Ac [ymhen] tri mis (synnwyr [sy'n esgor ar] ddewis gwych)

24	adeg y gwanwyn (poen twyll di-gwsg),

	gwreiddiodd gofid ynof;

	cae sy'n fy lladd, cellwair llid.

	Ni chaf ond trafferth oherwydd serch mawr,

28	ni chred neb mor brysur yw serch

	rhwng tenantiaeth (magwraeth ddicllon gudd)

	Ionawr a serch Morfudd.

	Ar Galan Mai, rhag [imi] gael egwyl mewn unrhyw ffordd

32	yn fy mywyd er fy modd fy hun,

	codais ffin (trais bywiog balchder ffôl)

	o'i amgylch, dyn unig wyf.

	Tra fu serch y ferch hael hon

36	(cyflwr gŵr methedig) trwy fy nwyfron

	yn fywiog, hardd a ffyniannus (ni waeth gennyf am hynny)

	ac yn aeddfed o doreithiog,

	euthum yma ac acw (ni oedais cyn [talu] cyflog)

40	[ynglŷn â'r] trefniadau [ar gyfer] mintai o fedelwyr poen.

	Trist fu'r colli'r holl ŷd yn llwyr,

	bydd tywalltwr y byd bob amser yn drallod.

	Troes y gwynt (taith faith bollt [o fellt])

44	o ochr dde'r galon [sydd] wedi ei hollti'n ddwy.

	A thywyllodd (dicter cariadferch)

	dwy seren serch yn fy mhen:

	llifddorau dagrau'n llifo'n chwerw,

48	llygaid, nofwyr nwyf.

	Edrychasant ([â] golwg llifeiriol)

	ar Forfudd, ferch wych a mwyn,

	simneiau llifeiriant o ddŵr,

52	nentydd poenus ac anffodus.

	Drwg fu ar sofl (cofleidiad gofid)

	[ddioddef] drycin o lid y gorllewin,

	a daw glaw mawr cyson a thrist

56	o ddwyrain yr wybr ar ddwy foch.

	Curwyd y fron hon heno

	â dŵr glas, diweddglo [yr wyf yn] edifar [amdano].

	Mae'r croniad o ofid dan fy mron,

60	ni ad fy llygaid sypyn sych o ŷd.

	Ni chaniatâ dagrau hidl am [ferch â] gwedd Eigr

	(cnwd pydredig) gwsg ar lygad.

	O! gariad (had twyllodrus),

64	wedi'r boen, gwae di oherwydd y synnwyr,

	na ellais (clwyf mawr brad)

	dy gywain rhwng dwy gawod.

	Syrthiodd y cariad da hirfaith,

68	twyllwyd fi am luniaeth.