Trech a Gais nag a Geidw

	Rwyf yn ceisio merch yn feiddgar heb dewi,

	beunydd o hyd.

	Mae Eiddig twyllodrus yn gwarchod

4	ei ferch fywiog a bach [sydd â] synnwyr dawnus.

	Mae'n gwylio'n orthrymus [â] golwg dreisgar;

	trech [yw'r sawl] sy'n ceisio (trwy chwant a gwg)

	na['r sawl] sy'n gwarchod rhag llanc direidus

8	ei ferch ddisglair ar ben glyn glas.

	Nid hawdd cadw merch gymen wych

	rhag lleidr [sydd] yn edrych yn gyfrwys iawn.

	[Â'r] un swyddogaeth pan edrychaf,

12	yn cyfeirio [fy] ngolygon, â lleidr ydwyf.

	Mae ef yn ei gwarchod yn ddygn (cyfaddefiad ydoedd),

	gwael ydoedd;

	yn ddycnach yr wyf (clwyf mawr trais)

16	yn ymgeisio o amgylch merch.

	Ni fydd carwr (oherwydd ei gyflwr amlwg),

	os yw'n ceisio'r un y mae'n ei charu, yn cysgu.

	Poen gwyliwr, boregodwr llwm,

20	cysglyd fydd, [â] meddwl sy'n gwrthod [canolbwyntio].

	Rwyf yn debyg (oherwydd budd dawn sylweddol,

	gem fawr a balch) o ran Morfudd

	i'r march a wêl y ceirch o'i gorlan

24	ac ni wêl y gwrych.

	Minnau heb osgoi gelyn

	a welaf [y] ferch fwyaf diwair

	ac ni welaf ([yr] hawliad mwyaf hy)

28	ei chymar du, [ferch] deg yn gwisgo gemau.

	Na fydded i Dduw weld y dyn unplyg ei eiriau,

	ni wêl yntau finnau fyth.

	Ni fydd cannwyll llygad mwy cam

32	ym mhen [unrhyw] deyrn, arglwydd gwlad.

	Rwyf yn drech (lle y mae picell las yn ymgodi)

	nag ef, cafodd ofn.

	Ymwelaf ([y ferch] o'r llinach fwyaf ddisglair)

36	â chartrefi fy anwylyd tra byddaf byw.

	[Bydded] oerfel imi os byddaf yn osgoi

	[y ferch â] lliw disglair, haul haf,

	(swydd arfog o achos tâl rhyfyg)

40	oherwydd [y sawl] a'i ceidw, ferch euraidd â thalcen hardd.