| I Ddymuno Lladd y Gŵr Eiddig | |
| Ef aeth heddiw yn ddiwael | |
| Gyda Rhys i gadw yr hael | |
| O frodyr ffydd a rhai maeth | |
| 4 | A cheraint, mau awch hiraeth, |
| Ymy, i ymwrdd â Ffrainc | |
| O'r Deau, Mair a'u diainc, | |
| Brehyrllin weilch beilch bylchgrwydr, | |
| 8 | Breinolion, brodorion brwydr. |
| Mab gogan, mae begegyr | |
| Gyda chwi, o gedwch, wŷr, | |
| Yn elyn dianwylyd | |
| 12 | I fardd bun ac i feirdd byd. |
| Un llygad, cymyniad cawdd, | |
| Ac unclust yw ar ganclawdd, | |
| A chorn celwydd-dwyll pwyll pŵl, | |
| 16 | A chosbwr bun a'i cheisbwl. |
| Y sawl waith rhag trymlaith trwch | |
| Y ffoais gynt, coffëwch, | |
| Rhagddaw'r cawell ysgaw cau, | |
| 20 | A'i dylwyth fal medelau. |
| Bid iddaw yn ei law lwyth | |
| O faw diawl, ef a'i dylwyth. | |
| Od â â'i enaid, baid banw, | |
| 24 | I'r lwydlong wyllt ar lidlanw, |
| Llonydd ni hir gydfydd hi, | |
| Llun ei hwyl yn llawn heli. | |
| Gwisg ei phen fo'r ffrwd wen wawl, | |
| 28 | Gwasgwynes y gwaisg ganawl. |
| Ni cherdda, ni hwylia hi, | |
| Trychwanddyn, a'r trwch ynddi. | |
| Gythier efo, gwthr afanc, | |
| 32 | Dros y bwrdd ar draws y banc. |
| Y don hael, adain heli, | |
| Y tâl a ddlywn i ti, | |
| Nith mordraeth, anoeth mawrdrefn, | |
| 36 | N'ad y trwch uriad drachefn. |
| Saethffrwd aig, trywanwraig trai, | |
| Saig nawton, a'i sugn atai. | |
| O-don-i-don, edn sugndraeth, | |
| 40 | Od â i Ffrainc y du ffraeth, |
| Y sawl anghenfagl y sydd, | |
| Hoenyn fo ei ddihenydd. | |
| Meddyliwch, brysiwch broses, | |
| 44 | Am ei ladd, gwnewch ymy les, |
| Ac na edwch y cwch cau | |
| I'm deol am em Deau. | |
| Tithau'r albrasiwr, tuthia, | |
| 48 | Teflidydd defnyddwydd da, |
| A thafl â'r pren gwarthaflfyr | |
| A saeth, be'th ddorost o syrr? | |
| Brath y lleidr yn ei neidrwydd, | |
| 52 | Bid trwch y breuddwyd, boed rhwydd. |
| Trywana, na fetha fath, | |
| Traidd o'r albrs trwyddo'r eilbrath. | |
| Adnebydd, saethydd sytharf, | |
| 56 | Ei sythion flew fyrion farf. |
| Diddan ynn ei drigian draw, | |
| Deuddeg anhawddfyd iddaw! | |
| Diddestl farf ffanugl gruglwyn, | |
| 60 | Dydd a ddaw, da oedd ei ddwyn. |
| Diddaly bardd, a hardd yw hyn, | |
| Diddel adref i'w dyddyn. | |
| Ffroen Eiddig, wenwynig nod, | |
| 64 | Ffriw ddifwyn, o phraw ddyfod, |
| Wrth wyn ysgar, lafar lef, | |
| Y du leidr, y dêl adref. | |