â â â Caer Rhag Cenfigen
1â â â Cynghorfynt, wan Frytaniaid,
2â â â Cenedl Susar, blaengar blaid,
3â â â A'i plaodd, o chwplëir,
4â â â Ac a'i rhywnaeth, gwaeth no gwir,
5â â â Rhwym o gynfigen a rhus,
6â â â Ac anian gynfigennus
7â â â Yw gwarafun yn unnod
8â â â I ddyn glân ei ddawn a'i glod.
9â â â Mae arnaf o warafun,
10â â â Myn y grog, mwy nog ar un,
11â â â Rhus hydr o ryw was ydwyf,
12â â â Gan bobl oer, gwn o ba blwyf.
13â â â Rhai grym, rhywiog arymes,
14â â â Rhoddant, amlhaant ym les,
15â â â A'r bawheion a soniant,
16â â â Och am nerth! a cham a wnânt.
17â â â Ef a roes Duw, nawddfoes nawd,
18â â â Gaer i'm cadw, gwiwrym ceudawd,
19â â â Cystal, rhag ofn dial dyn,
20â â â Â'r Galais rhag ei elyn.
21â â â Cilio ni lwydd, calon lân,
22â â â Caerdroea, caru druan,
23â â â Di-isel ddirgel ddurgoly,
24â â â Dilon Dwr Babilon boly.
25â â â Ungwr, dieiddil angerdd,
26â â â A gadwai gastell, cell cerdd,
27â â â Rhag y dynion a sonia,
28â â â Tra fai ystôr trwy foes da,
29â â â A gofynag yn fagwyr
30â â â O gariad Angharad hwyr,
31â â â A maen blif o ddigrifwch
32â â â Rhag na dirmyg na phlyg fflwch,
33â â â A llurug, ddiblyg ddybliad,
34â â â Gorddyfn hedd, Gwirdduw fy Nhad;
35â â â Neur gaiff flinder, Duw Nêr nen,
36â â â Gan fygwth o gynfigen.
37â â â Golwg ruddell yw'r gwyliwr
38â â â Ar feilch teg ar fwlch y twr,
39â â â Ladmer a adrodder draw
40â â â Yw'r hoywglust ar y rhaglaw,
41â â â A'r porthawr, ni'm dawr i'm dydd,
42â â â Yw'r tafod o rad Dofydd;
43â â â Adail oddieithr ydynt
44â â â Dwylo a thraed, dilithr ynt.
45â â â Duw Dad, Tydi a'i piau,
46â â â Dod fwyllwr yn y twr tau;
47â â â Na ad yn wag fynagwael
48â â â O fewn gwr rhag ofn ei gael;
49â â â Cais ei gadw rhag anfadwyr,
50â â â Côr bro saint cer wybr a syr.
51â â â Bygythia, gymanfa gas,
52â â â Bygythwyr y byw gaethwas,
53â â â Ni a wddam ar dramwy,
54â â â Peiriaint oer, pa rai ynt hwy.
55â â â Be delai'r môr angorwaisg
56â â â Drwy din Edwart Frenin fraisg,
57â â â Bardd i fun loywhardd lawhir,
58â â â Byw ydyw ef, a bid wir.