| Erfyn am ei Fywyd | |
| Y fun glaer fwnwgl euraid | |
| O Fôn gynt yn fwyn a gaid, | |
| Nid oes ym obaith weithion | |
| 4 | O'th wlad di, ddyn wythliw ton, |
| Ym Deinioel sant, trachwant trwch, | |
| Ym dir rhydd am dor heddwch. | |
| Ys diriaid nad ystyriais: | |
| 8 | No'th gael, ni bu anoeth gais, |
| Ni bu anrheg na neges, | |
| Eithr fy lladd, waeth ar fy lles. | |
| Trist fûm na'th gawn, ddawn dduael; | |
| 12 | Tristach, wyth gulach, o'th gael. |
| Gwae fi a wnaethost, gost gŵyl: | |
| Fy mynnu pan fûm annwyl. | |
| Nid oeddud gall na phallud; | |
| 16 | Ni bu dda ym dy rym drud. |
| Peraist annog fy nghrogi; | |
| Pe'm carud, ni fynnud fi. | |
| Rhyfalch oedd i Bab Rhufain | |
| 20 | Fod gennyd, gwyn fy myd main. |
| Cymer dan gêl a welych, | |
| Cymod am hyn, ddyn gwyn gwych, | |
| A dod, feinir, ym ddirwy, | |
| 24 | A phaid â'th gŵyn, ddyn mwyn, mwy. |
| Chwarëus fuam, gam gae; | |
| Chwerw fu ddiwedd y chwarae. | |
| O buost, riain feinir, | |
| 28 | Fodlon ym dan fedwlwyn ir, |
| Na phar, ddyn deg waneg wedd, | |
| Grogi dillyn y gwragedd | |
| Dros beri, ddyweddi ddig, | |
| 32 | Dienyddu dyn eiddig. |
| Ym Mynyw, rwyf Wenhwyfar, | |
| Ym Môn yr haeddaist fy mâr. | |
| Fy mun, mi a fûm ynod; | |
| 36 | Geri fu i mi fy mod. |