| Y Serch Lladrad | |
| Dysgais ddwyn cariad esgud, | |
| Diwladaidd, lledradaidd, drud. | |
| Gorau modd o'r geiriau mad | |
| 4 | Gael adrodd serch goledrad. |
| Cyfryw nych cyfrinachwr, | |
| Lledrad gorau gariad gŵr. | |
| Tra fuom mewn tyrfaau, | |
| 8 | Fi a'r ddyn, ofer o ddau, |
| Heb neb, ddigasineb sôn, | |
| Yn tybiaid ein atebion, | |
| Cael herwydd ein coel hirynt | |
| 12 | A wnaetham ogytgam gynt; |
| Bellach modd caethach y cair | |
| Cyfran, drwy ogan, drigair. | |
| Difa ar un drwgdafod | |
| 16 | Drwy gwlm o nych, dryglam nod, |
| Yn lle bwrw enllib eiriau | |
| Arnam, enw dinam, ein dau. | |
| Trabalch oedd o chaid rhybudd | |
| 20 | Tra gaem gyfrinach trwy gudd. |
| Credais, addolais i ddail | |
| Tref f'eurddyn tra fu irddail. | |
| Digrif ynn, fun, un ennyd | |
| 24 | Dwyn dan un bedwlwyn ein byd. |
| Cydlwynach, difyrrach fu, | |
| Coed olochwyd, cydlechu, | |
| Cydfwhwman marian môr, | |
| 28 | Cydaros mewn coed oror, |
| Cydblannu bedw, gwaith dedwydd, | |
| Cydblethu gweddeiddblu gwŷdd, | |
| Cydadrodd serch â'r ferch fain, | |
| 32 | Cydedrych caeau didrain. |
| Crefft ddigrif rydd fydd i ferch | |
| Cydgerdded coed â gordderch. | |
| Cadw wyneb, cydowenu, | |
| 36 | Cydchwerthin finfin a fu, |
| Cyd-ddigwyddaw gerllaw'r llwyn, | |
| Cydochel pobl, cydachwyn, | |
| Cydfod mwyn, cydyfed medd, | |
| 40 | Cydarwain serch, cydorwedd, |
| Cyd-ddaly cariad celadwy | |
| Cywir, ni manegir mwy! | |