Merch o Is Aeron

	Celennig yw cael annerch

	Calon Is Aeron a'i serch.

	Gwan y bardd sythardd, seithug,

4	Gwawn Geredigiawn a'i dug.

	Gwae a fwrw, gwiw oferedd,

	Ei serch, meirionesferch medd,

	Llary bryd, hi yw lloer ei bro,

8	Lluniaeth ocr, lle ni thycio.

	Gwae a wŷl â gwyw olwg

	Ar fun aur ddiaerfen wg,

	Ni ddiddyr faint ei ddeuddeigr

12	O'i chariad, diwygiad Eigr.

	Gwae a oerddeily gwayw erddi

	Oddi fewn, mal ydd wyf i,

	Yn drysor bun, yn drasyth,

16	Yn ddadl fawr, yn ddidal fyth.

	Gwae a wnêl rhag rhyfel rhew

	Dŷ ar draeth, daear drathew,

	Bydd anniogel wely,

20	Byr y trig a'r berw a'i try.

	Gwae a gâr, gwiw y gorwyf,

	Gwen drais, gwenifiais gwayw nwyf,

	Gwynllathr ei gwedd, gweunllethr gwawn,

24	Gwynlliw'r geirw, gwenlloer Garawn.

	Erfai leddf, oerfel iddi,

	Ar fy hoen neur orfu hi.

	Eirian liw, oroen lawir,

28	Euren deg o Aeron dir,

	Aerau len, eiry oleuni,

	Ar ei hyd a eura hi.