Cyngor gan Frawd Bregethwr

	Doe ym mherigl y ciglef

	Ynglyn aur angel o nef,

	Ac adrodd pynciau godrist

4	Ac adail gron ac awdl Grist.

	Disgybl Mab Mair a'm dysgawdd —

	Fal hyn y dywad, fawl hawdd:

	'Dafydd o beth difeddw bwyll,

8	Digymar gerdd, da gymwyll,

	Dod ar awen dy enau

	Nawdd Duw, ac na ddywaid au.

	Nid oes o goed, trioed trwch,

12	Na dail ond anwadalwch.

	Paid â bod gan rianedd,

	Cais er Mair casäu'r medd.

	Ni thalai ffaen gwyrddflaen gwŷdd

16	Na thafarn, eithr iaith Ddofydd.'

	'Myn y Gŵr a fedd heddiw,

	Mae gwayw i'm pen am wen wiw,

	Ac i'm tâl mae gofalglwyf

20	Am aur o ddyn, a marw 'dd wyf.'