Cyngor gan Frawd Bregethwr

	Ddoe mewn perygl fe glywais

	englyn coeth angel o'r nef,

	a datgan caneuon dwys

4	a cherdd gyflawn ac awdl Crist.

	Dysgodd disgybl Mab Mair fi —

	fel hyn y dywedodd, mawl rhwydd:

	'Dafydd syber dy synnwyr ar un olwg,

8	digymar dy gerdd, â gair da amdanat,

	rho ar awen dy enau

	nawdd Duw, ac na ddywed gelwydd.

	Nid oes i goed, tri oed truenus,

12	na dail ond anwadalwch.

	Rho'r gorau i orwedd gyda merched,

	ceisia er mwyn Mair gasáu'r medd.

	Nid yw blaen gwyrdd coed yn werth ffeuen,

16	na thafarn chwaith, dim ond iaith yr Arglwydd.'

	'Myn y Gŵr sy'n llywodraethu heddiw,

	mae artaith yn fy mhen oblegid merch wych,

	ac yn fy nhalcen mae archoll pryder

20	oherwydd geneth odidog, a marw'r wyf.