Mawl i'r Ceiliog Bronfraith

	Y ceiliog, serchog ei sôn,

	Bronfraith, dilediaith loywdon,

	Deg loywiaith, doe a glywais,

4	Dawn fad lon, dan fedw ei lais.

	Ba ryw ddim a fai berach

	Blethiad na'i chwibaniad bach?

	Plygain y darllain deirllith,

8	Plu yw ei gasul i'n plith.

	Pell y clywir uwch tiroedd

	Ei lef o lwyn a'i loyw floedd,

	Proffwyd rhiw, praff awdur hoed,

12	Pencerdd gloyw angerdd glyngoed.

	Pob llais diwael yn ael nant

	A gân ef o gu nwyfiant,

	Pob caniad mad mydr angerdd,

16	Pob cainc o'r organ, pob cerdd,

	Pob cwlm addwyn er mwyn merch,

	Ymryson am oreuserch.

	Pregethwr a llywiwr llên,

20	Pêr ewybr, pur ei awen,

	Prydydd cerdd Ofydd ddifai,

	Prif urddas, prim-y-mas Mai.

	Adwaen ef o'i fedw nwyfoed,

24	Awdur cerdd adar y coed,

	Adlais lon o dlos lannerch,

	Odlau a mesurau serch,

	Edn diddan a gân ar gyll

28	Yng nglwysgoed, angel esgyll.

	Odid ydoedd i adar

	Paradwys, cyfrwys a'i câr,

	O dro iawngof drwy angerdd

32	Adrodd a ganodd o gerdd.