Englynion i Ifor Hael

	O ran haelioni, fy arglwydd, fy Nudd a'm noddfa mewn rhyfel

	a'm carw gwych hael am elw,

	Afarwy, cosbwr rhyfyg taeogion,

4	diwerth yw un o gymharu â'r pennaeth Ifor.

	O ran dewrder â chleddyf chwim, ymadrodd eglur,

	a'r gallu i droi llanw brwydr,

	o ran ymosodiad mawr cyflym, fy noddfa wych,

8	diwerth yw dau o gymharu ag Ifor tanbaid.

	O ran doethineb, nid oes yr un Ffrancwr sy'n nes ato

	na'r pellter o Ffrainc i Ynys Manaw,

	i wadu dadl gas,

12	diwerth yw tri o gymharu ag Ifor acw.

	O ran gostyngeiddrwydd, ffortun a ffydd ac elusengarwch,

	a charu ei fardd,

	diwerth yw pedwar, carw hawddgar,

16	o gymharu ag Ifor, iaith wych Ofydd.

	O ran bonedd, tras, gŵr cefnsyth a phur,

	a llwyddiant aml di-ffael,

	o ran hebogiaid, llinach uchel,

20	diwerth yw pump byth o gymharu ag Ifor.

	O ran cryfder, fy arwr, tywysog hardd, gwych a grymus

	yn gwisgo helmed haearn gwych,

	baedd brwydr i guro milwyr cryf,

24	diwerth yw chwech o gymharu ag Ifor ffyrnig.

	O ran harddwch, pennaeth urddasol, cadarn a haelionus,

	pendefig o natur fawreddog,

	ei fardd wyf, o ran medrusrwydd dwfn,

28	diwerth yw saith o gymharu ag Ifor trwsiadus.

	O ran urddas swydd, trefnwr bardd,

	cyfaill beirdd a'u diogelwch,

	cystudd brwydr i guro bradwr,

32	diwerth yw wyth o gymharu ag Ifor gwrol.

	O ran y campau a garaf fwyaf ar ŵr,

	fel eryr y mae yn fy marn i,

	o ran anrhegion aml a mwyaf parod,

36	diwerth yw naw o gymharu â'r arglwydd Ifor.

	O ran gwychder, fy arglwydd un ysbryd â Ffwg,

	cynhaliwr mawr Morgannwg,

	diwerth yw dyn, cynllun rhyfeddol,

	diwerth yw deg o gymharu ag Ifor tal.