| Basaleg | |
| Cerdda was, câr ddewiswyrdd, | |
| Ceinfyd gwymp, is caenfedw gwyrdd; | |
| O Forgannwg dwg ddydd da | |
| 4 | I Wynedd, heilfedd hwylfa, |
| Ac annwyl wyf, befrnwyf byd, | |
| Ac annerch wlad Fôn gennyd. | |
| Dywaid, i'm gwlad ni'm gadwyd, | |
| 8 | Duw a'i gŵyr, dieuog wyd, |
| Fy mod es talm, salm Selyf, | |
| Yn caru dyn uwch Caerdyf. | |
| Nid salw na cham fy namwain, | |
| 12 | Nid serch ar finrhasglferch fain, |
| Mawrserch Ifor a'm goryw, | |
| Mwy no serch ar ordderch yw. | |
| Serch Ifor a glodforais, | |
| 16 | Nid fal serch anwydful Sais, |
| Ac nid af, perffeithiaf pôr, | |
| Os eirch ef, o serch Ifor, | |
| Nac undydd i drefydd drwg, | |
| 20 | Nac unnos o Forgannwg. |
| Pand digrif yng ngŵydd nifer | |
| Caru, claernod saethu, clêr? | |
| Goludog hebog hybarch, | |
| 24 | Gŵr ffyrf iawn ei gorff ar farch. |
| Gŵr yw o hil goreuwawr, | |
| Gwiw blaid, helm euraid, hael mawr; | |
| Cwympwr aer cyflymdaer coeth, | |
| 28 | Cwmpasddadl walch campusddoeth; |
| Carw difarw, Deifr ni oddef, | |
| Cywir iawn y câi wŷr ef; | |
| Ufudd a da ei ofeg, | |
| 32 | Ofer dyn wrth Ifor deg. |
| Mawr anrhydedd a'm deddyw: | |
| Mi a gaf, o byddaf byw, | |
| Hely â chŵn, nid haelach iôr, | |
| 36 | Ac yfed gydag Ifor, |
| A saethu rhygeirw sythynt | |
| A bwrw gweilch i wybr a gwynt, | |
| A cherddau tafodau teg | |
| 40 | A solas ym Masaleg; |
| Gware ffristiawl a thawlbwrdd | |
| Yn un gyflwr â'r gŵr gwrdd. | |
| O châi neb, cytundeb coeth, | |
| 44 | Rhagor rhag y llall rhygoeth, |
| Rhugl â cherdd y'i anrhegaf, | |
| Rhagor rhag Ifor a gaf. | |
| Nid hael wrth gael ei gyfryw, | |
| 48 | Nid dewr neb; band tëyrn yw? |
| Nid af o'i lys, diful iôr, | |
| Nid ufudd neb ond Ifor. | |