â â â Ail Gywydd Ymryson Gruffudd Gryg
1â â â Gwyll yw, ni wn ai gwell ym
2â â â Gweled Dafydd ap Gwilym,
3â â â Elw dullfraw, aelaw dwyllfreg,
4â â â Ail Gwenwlydd yw Dafydd deg.
5â â â Da i'm gwydd, ysgwydd esgud,
6â â â A drwg i'm absen a drud.
7â â â Dywawd i wyr y Deau,
8â â â Dafydd, ar ei gywydd gau,
9â â â Nad oedd ym ddim o'm gwawdlef
10â â â Eithr ei ddysg: athro oedd ef.
11â â â Dywawd gelwydd, myn Dewi,
12â â â A phrofer pan fynner fi.
13â â â Tyngodd na wnaf o'm tafawd,
14â â â Gorau gwr, ond gwyro gwawd.
15â â â Arwydd na mynnwn, eiriawl,
16â â â Gwyro ermoed gair o'r mawl.
17â â â Syml ei hwyl, ys aml holion,
18â â â Ys hoff gan Ddafydd ei sôn.
19â â â Hoff gan bob edn aflednais,
20â â â Ym medw gled, lwysed ei lais.
21â â â Dryglam oer, drwy gwlm eiriau,
22â â â I'r dyn ohonom ein dau,
23â â â A difa ar ei dafawd
24â â â Lle bai, a newidiai wawd.
25â â â Cyd boed cryg, ennyg ynni,
26â â â Yn nhwf dig, fy nhafod i,
27â â â Nid ungamp, onid angerdd,
28â â â Nid cryg, myn Mair, gair o'r gerdd.
29â â â Hobi hors ymhob gorsedd
30â â â A fu hoff, ni feia'i wedd;
31â â â Degle'n nes, dwy glun esyth,
32â â â Diflas yw, dan daflu'n syth.
33â â â Dilys, na bu hudoliaeth
34â â â O brenial wan, weithian waeth.
35â â â Ail yw'r organ ym Mangor,
36â â â Rhai a'i cân er rhuo côr.
37â â â Y flwyddyn, erlyn oerlef,
38â â â Daith oer drud, y doeth i'r dref,
39â â â Pawb o'i goffr a rôi offrwm
40â â â O'r plwyf, er a ganai'r plwm.
41â â â Trydar ei daerfar ar darf,
42â â â Trydydd yw Dafydd dewfarf;
43â â â Hoff fu yng Ngwynedd, meddynt,
44â â â Yn newydd ei gywydd gynt.
45â â â Bellach, gwywach ei gywydd,
46â â â Aeth yng ngwyll ei waith yng ngwydd.
47â â â Paham, ar gam Gymräeg,
48â â â Na wyl mab Ardudful deg
49â â â Pwy yw ef, ddiglef ddeuglwyf,
50â â â A phwy wyf innau, hoff wyf.
51â â â Or bai decaf gan Ddafydd,
52â â â Heb gêl, gaffel rhyfel rhydd,
53â â â Bwgwl gwlad fydd rhuad rhai,
54â â â Bawddyn, pam na'm rhybuddiai?
55â â â Rhag fy nghael yng nghwlm coddiant,
56â â â Yn lledrad fal y cad cant.
57â â â Ceisiodd fi, casaodd fudd,
58â â â Bribiwr y gerdd, heb rybudd.
59â â â Ni rôi neb, oni rown i,
60â â â Seren bren er ei sorri.