Ail Gywydd Ymryson Dafydd ap Gwilym

	Ysgrifydd y plwyf, mae ei grefft yn ei blygu,

	un sy'n [anelu] ei arfau yn ofalus, Gruffudd a'r atal–dweud arno,

	cadarnhad, y dyn du, ar fy nghyfer,

4	mae'n canu'n dda, cof heb euogrwydd.

	Cyfarchiad teg, os dymunai,

	a gair caredig a gâi [gennyf];

	ac onis dymuna, llyffethair ffals,

8	fe wnaf innau fel y mynnaf.

	Ni ŵyr Duw i mi, llais clir, gloyw,

	wadu un gair o'r hyn a ddywedais,

	bod angen, tynged heddychlon,

12	esiampl o'i ganu: mae'n ŵr di–glem.

	Dyma'r dystiolaeth, lle mae'r cyhuddiad,

	gwarth hir, yn ei gerdd ei hun.

	Cynt yn ein presenoldeb yn sicr fe ganodd

16	Tudur ap Cyfnerth a'r cefn hir

	i mi, a'r ceffyl pren, hydd â dannedd gloyw,

	ac i'r organ, cytgord saint,

	darn o gân cyn amser llafarganu,

20	y cenau hy, nag y canodd ef.

	Pam yr âi, arferiad difai,

	un pur ei nerth, yn lle talu gwerth cerdd,

	y gwas dewr hy, yn westai am amser hir

24	gyda Thudur, y gŵr aruchel?

	Mynned y llanc ei adnabod,

	gwyleidd–dra da, patrwm ar y mawl,

	ac na fynned, rhodd nad yw'n guddiedig,

28	ymguddio y tu ôl i ddychan.

	Mae'n beth ynfyd i lanc teilwng ei fywyd

	i anfon anrhegion cas iawn

	o Fôn, mae'n gwneud ceisiadau am ddarpariaeth,

32	ataf fi i wlad Pryderi.

	Enw fy ngwlad yw Bro Gadell,

	enwog yw ei gwŷr, mae hyn yn well.

	Ergyd sy'n tyfu o'i dafod,

36	darn o wlân brethyn garw, os yw'n ddig wrthyf,

	deuwn i gyd, bywyd braf ydoedd,

	law dra llaw rhwng y ddau fintai grymus,

	fe brofwn, lle yr ydym, brifeirdd

40	heb oedi, hyrddod hardd,

	gyda dwy gerdd sarrug, siarad difai,

	a dau gorff iach,

	a dau dafod, prawf y gerdd wannaf,

44	a dau lafn dur, a dwy law.

	Hwrdd cadarn ar draed gwych a hardd,

	a'r sawl sy'n mynd o'r rhyfel, boed iddo fynd.

	Boed iddo adael llonydd i mi, ac oedi dicter,

48	a rhaff grogi i mi petawn i'n gadael [llonydd iddo ef].

	Nid â ergyd yn rhydd [arno]

	gan ei dad, oherwydd clera hir.

	Os bydd heb bwdu, cri cryf,

52	ac heb ddadl, mae'n dda gen i;

	[Ond] os yw'n pwdu, lle mae'n rhoi march o Wasgŵyn,

	os oes ots gennyf, boed i Wyn ap Nudd fy nghipio.