| Pedwerydd Cywydd Ymryson Gruffudd Gryg | |
| Gweirful, wawr eddyl ryddoeth, | |
| Gwae fi fod, cydwybod coeth, | |
| Yn rhaid ym, yn rhyw dymawr, | |
| 4 | Oedi dy wawd; ydwyd wawr. |
| Aml yt o'm tafawd wawdair, | |
| A maint y'th garwn, myn Mair! | |
| Medrai gongl, mae drwg angel | |
| 8 | Yn llestair cerdd, llaester cêl: |
| Dafydd eiddil ap Gwilym, | |
| Ni ad, o anghariad ym, | |
| Dychanu neb anhebgor, | |
| 12 | Na phrydu, mwy na ffrwd môr. |
| Na sor, oleuliw nos hardd, | |
| Weirful, er mwyn dy wirfardd. | |
| Tra gyfan ymddychanwyf, | |
| 16 | Dos yn iach, un dison wyf. |
| Tudur Goch, glowrllyd froch glêr, | |
| Fab Iorwerth, foly pabwyrwer, | |
| Cwynaf na chaf, rhag cyni, | |
| 20 | Cenau tom, canu i ti. |
| Nychdawd i'th sarugwawd sur, | |
| Nochd ydwyd, yn iach, Dudur. | |
| Rhaid ar Ddafydd, gwehydd gwawd, | |
| 24 | Ddial yr hyn a ddywawd. |
| Cytgerdd eos mewn coetgae, | |
| Cytgam â'r mawrgam y mae. | |
| Am radd y mae'n ymroddi | |
| 28 | Ymryson ym Môn â mi. |
| Nid teg gan neb, nid digam, | |
| Myn llaw'r Pab, yn fab ei fam. | |
| Undad nid wyf, hynwyf hardd, | |
| 32 | Nac unfam â'r goganfardd. |
| Mae saith o gymydeithion | |
| I mi'n Aberffraw ym Môn, | |
| Aml ym roddiad profadwy, | |
| 36 | Am un i Ddafydd, a mwy. |
| Mawr eisiau cerdd ar glerddyn, | |
| Mal Dafydd, awenydd wŷn. | |
| Hyrio ymladd cyfaddef, | |
| 40 | Ymlaen gwawd ei dafawd ef. |
| Da tybiodd gael, gafael gall, | |
| Llysg ongl ar ddyn llesg angall. | |
| Diofn er bardd o'r Deau | |
| 44 | Fyddaf, ni thawaf o thau. |
| Fy nghorff yn erbyn fy nghas | |
| A rof am na bûm ryfas, | |
| A'm cerdd fasw dan fedw laswydr, | |
| 48 | A'm callter, a'm hoywder hydr. |
| Am fonedd, ym a fenaig, | |
| A dyhuddiant, gwrygiant gwraig, | |
| Gofynner, hwyrber hirbell, | |
| 52 | I Ardudful, a wŷl well. |
| Gŵyr ymoglud anudon, | |
| Gŵr iddi wyf i o Fôn. | |
| Os mab ym oedd, gyhoedd gof, | |
| 56 | O henyw dim ohonof, |
| Ys drwg y peirch yr eirchiad, | |
| Y prydydd Dafydd, ei dad. | |