Dychan i Rys Meigen

	Cerbyd lled ynfyd llydanfai—y sydd,

	Nid un swydd â Gwalchmai;

	Cŵn pob parth a'i cyfarthai,

4	Cymyrred na ched ni châi.

	Carnben Rys Meigen, magai—ddigofaint,

	Ddu geufab, lle beiddiai;

	Carwden, ci a rodiai,

8	Corodyn cerdd meiddlyn Mai.

	Cau rheidus bwystus, bostiai—â'i dafod

	O Deifi hyd Fenai;

	Cor oediog, neb nis credai,

12	Cwr adain, heb nain, heb nai.

	Cariadau rhiau, ni ryfai—fawrles,

	Naws cyffes, nis caffai;

	Cerdd wermod a ddatodai,

16	Cern âb cnaf, a wnaf a wnâi.

	Cras enau, geiriau ni ragorai—rhain,

	Y truthain a'u traethai;

	Croesanaeth croyw a soniai,

20	Crys anardd, taer flawdfardd tai.

	Cyfrwys ddifwyn cwys, cyd ceisiai—gyhwrdd

	Ag ewybr nis gallai;

	Cyfred aml, cyfrwy dimai,

24	Cyfrif ef bob cyfryw fai.

	Clafaf anllataf llatai—clafesau,

	Yn arfau anerfai;

	Ci sietwn yw'r cas ytai,

28	Coes gwylan craig, treiglwraig trai.

	Cynnwgl cen cwrwgl, can carrai—o'i lawdr,

	Hen leidryn gofawai;

	Cyfraith fydriaith ni fedrai,

32	Cyfranc nac aer daer nid âi.

	Cerdd-dlawd, brynhicnawd hacnai,—bastynwas

	Baw estynwefl ysgai;

	Canmil chwil a ymchwelai

36	Cau was gorflwng rhwng pob rhai.

	Cecrwawd ci cardlawd cecyrdlai—cwthrfeigl

	Hirdreigl gest hwyrdrai;

	Cafn latys mam blotai,

40	Cefn rhisg heb gysegrwisg a sai.

	Gwas cas coesfrith chwith chwythlawdr lletbai gwan,

	Gwyn ei fyd a'i crogai;

	Gwasg dasg desgldraul caul cawlai,

44	Gwar gwrcath gwydn chwiltath chwai.

	Gwythlyd gwefl esgud, gofloesgai – ar gwrw,

	Banw chweidwrw ban chwydai;

	Gwall ball beillhocs, cocs cicai,

48	Gwyllt byll hyll oeth garw troeth trai.

	Gwylliad anwastad westai, – lleuedig

	Â llaw fudr a daflai;

	Gwellau diawl, gwae lle delai,

52	Gwallawiawdr llwfr claerddwfr clai.

	Goreilgorff rheidus, nid gwrolGai – Hir,

	Hwyr ym mrwydr y safai;

	Gweren soegen a sugnai,

56	Gwar hen groenyn, lledryn llai.

	Gwirod o waddod a weddai – i'r pryf,

	Anaergryf oen oergrai,

	Gwryd ateth gardotai,

60	Garw blu, ni bu gwrab lai.

	Gwaith o ymgeiniaith a ganai – i bawb

	Heb wybod beth fyddai;

	Gwythen llygoden geudai,

64	Gwaethaf, llo bawaf, lle bai.

	Rys Meigen, gwden dan gedyrn – grogwydd

	Fydd dy ddihenydd, hynaf erddyrn.

	Rhusiedig a dig y dyrn – dy ddannedd,

68	Rhysedd mehinwledd, wydnwedd wadnwyrn,

	Rhuglfin gynefin giniawfyrn – frynnig,

	Rhyfig ar faeddgig, nid ar feddgyrn.

	Rhuthrud wêr a mêr mawr esgyrn – ceudawd,

72	Rhythgnawd cyn diawd, myn Cyndëyrn.

	Rhyfedd yw cemyw camyrn, - bengnawd fêr,

	Rhefrgoch gloch y glêr, galchwer gilchwyrn,

	Anwr yn sawdwr, ys edyrn - yn rhaid,

76	Amnaid delw danbaid, nid ail Dinbyrn,

	Euog drum lleuog, drem llewyrn - wystnlwyth,

	Anwiw ffriw heb ffrwyth, golwyth gelyrn,

	Rhwyddlawdr anhuawdr, annhëyrn - rhwymgnawd,

80	Rhygrin o gysgawd, groen ac esgyrn,

	Rhediad dau lygad dilugyrn – chwiltath,

	Rhys goegfrys gigfrath, fapgath fepgyrn,

	Rhugn sugn soeg gogoeg gegyrn, – rhwthgynfol,

84	Rhyfol rhwd heol, nid rhyw tëyrn.

	Er na wypud, lud lawdr gachsyrn – osgryn,

	Nac awdl nac englyn, lleidrddyn lledrddyrn,

	Gwas ynfydferw chwerw, chwyrn – afrifed

88	Y gwyddut yfed gwaddod tefyrn.