â â â Y Deildy
1â â â Heirdd feirdd, f'eurddyn, diledfeirw,
2â â â Hawddamor, hoen goror geirw,
3â â â I fun lwys a'm cynhwysai
4â â â Mewn bedw a chyll, mentyll Mai,
5â â â Llathr daerfalch, uwch llethr derfyn,
6â â â Lle da i hoffi lliw dyn.
7â â â Gwir ddodrefn o'r gaer ddidryf,
8â â â Gwell yw ystafell a dyf.
9â â â O daw meinwar, fy nghariad,
10â â â I dy dail a wnaeth Duw Dad,
11â â â Dyhuddiant fydd y gwydd gwiw,
12â â â Dihuddygl o dy heddiw.
13â â â Nid gwaeth gorwedd dan gronglwyd;
14â â â Nid gwaeth deiliadaeth Duw lwyd.
15â â â Unair wyf fi â'm cyfoed.
16â â â Yno y cawn yn y coed
17â â â Clywed siarad gan adar,
18â â â Clerwyr coed, claerwawr a'u câr:
19â â â Cywyddau, gweau gwiail,
20â â â Cywion, priodolion dail;
21â â â Cenedl â dychwedl dichwerw,
22â â â Cywion cerddorion caer dderw.
23â â â Dewin fy nhy a'i dawnha,
24â â â Dwylo Mai a'i hadeila,
25â â â A'i linyn yw'r gog lonydd
26â â â A'i ysgwîr yw eos gwydd,
27â â â A'i döydd yw hirddydd haf
28â â â A'i ais yw goglais gwiwglaf,
29â â â Ac allor serch yw'r gelli
30â â â Yn gall, a'i fwyall wyf fi.
31â â â Nachaf yn nechrau blwyddyn
32â â â Yn hwy y tyf no hyd dyn.
33â â â Pell i'm bryd roddi gobrau
34â â â I wrach o hen gilfach gau.
35â â â Ni cheisiaf, adroddaf drais,
36â â â Wrth adail a wrthodais.