Merch, Aderyn a Bedwen

	Dymuniad gwychaf carwr,

	o Dduw Frenin, a ddaw cyn hir

	(os yw ei ganu mawl cadarn yn barod)

4	ferch ragorol ac aderyn parablus?

	Ni fu (er dysgu gwylio)

	gan was cariadus, gwelw a gwylaidd,

	grefft mor hyfryd (er llif o nwyd)

8	â gwarchod merch a gerid

	a rhodio (treulio cyfnod maith)

	cilfachau [a] chlystyrau coed

	fel heliwr, chwaraewr bywiog,

12	am garw gwyllt a ymlidiai

	o un lle i'r llall oherwydd nwyd,

	o lwyn i lwyn (ail Enid [yw hi]),

	ac aderyn bach a geidw bwyll inni

16	ar ochr [yr] awyr yn ei chlodfori.

	[Â] llais clir, galw ail Esyllt

	a wnâi y llatai gwiw a gwyllt,

	euraid ei big, ar wialen,

20	ar ei gred, yn gweld [y] ferch.

	Hyfryd (pe bai'r dagrau sy'n rhedeg yn ei ganiatáu)

	fyddai clywed yn uchel

	orfoledd mawr aderyn Mai

24	dan fedw ir y ferch wych,

	marchog disglair â thôn ddawnus,

	euraid ar ddail ir.

	Harmoni bywiog a ganai

28	o awr i awr, poen fawr [oedd] pan fyddai [wrthi].

	Nid âi ef, goslef hardd mwyn,

	aderyn â llais arian, o'r un llwyn

	(cerdd feddylgar glir uchel)

32	mwy na meudwy (canghennau main).

	Yn dda y gweddai, mewn tai mwyn o fedw,

	pe delai'r aderyn i'r llwyn o ddail,

	coed bedw bach clyd eu hosan,

36	cawell tirion, glas a glân,

	bedwen deg [â] tho o wallt o'r un oed,

	tŵr gwych ar ael yr allt.

	Tyfiad heb naddiad bwyall,

40	tŷ, ar un piler y tyf.

	Tusw gwyrdd o gasgliadau hudol o ddail sy'n cofleidio,

	sypiau yn sefyll ar sofl,

	tywyll ei ffwr, coegyn Mai,

44	nen ir drwchus, bendith Duw arni.

	Crefft hyfryd oedd, myn y crair,

	gusanu merch gyson ei gair,

	ac edrych wedi inni dreulio amser hyfryd

48	rhyngom ein hunain (rhwymynnau haul)

	drwy fantell fy ngwraig wych,

	[ar] fryniau, ceiniogau nwydus,

	a phlygu corff

52	(llygad glas heddiw, lliw gwan,

	prydferthwch gem o foliant disglair)

	dros y ferch a wnaeth dwyll.