â â â Yr Ehedydd
1â â â Oriau hydr yr ehedydd
2â â â A dry fry o'i dy bob dydd,
3â â â Borëwr byd, berw aur bill,
4â â â Barth â'r wybr, borthor Ebrill.
5â â â Llef radlon, llywiwr odlau,
6â â â Llwybr chweg, llafur teg yw'r tau:
7â â â Llunio cerdd uwch llwyni cyll,
8â â â Lledneisgamp llwydion esgyll.
9â â â Bryd y sydd gennyd, swydd gu,
10â â â A brig iaith, ar bregethu,
11â â â Braisg dôn o ffynnon y ffydd,
12â â â Breiniau dwfn garbron Dofydd.
13â â â Fry yr ai, iawnGai angerdd,
14â â â Ac fry y ceny bob cerdd.
15â â â Fy llwyteg edn, fy llatai,
16â â â A'm brawd awdurdawd, od ai,
17â â â Annerch gennyd wiwbryd wedd,
18â â â Loyw ei dawn, leuad Wynedd,
19â â â A chais un o'i chusanau
20â â â Yma oe ddwyn ym, neu ddau.
21â â â Mygr swyn gerllaw magwyr sêr,
22â â â Maith o chwyldaith uchelder,
23â â â Dogn achub, digon uched
24â â â Y dringaist, neur gefaist ged.
25â â â Dysgawdr mawl rhwng gwawl a gwyll,
26â â â Disgyn, nawdd Duw ar d'esgyll.
27â â â Moled pob mad creadur
28â â â Ei greawdr, pefr lywiawdr pur.
29â â â Moli Duw mal y dywaid,
30â â â Mil a'i clyw, hoff yw, ni phaid.
31â â â Modd awdur serch, mae'dd ydwyd?
32â â â Mwyn groyw yw'r llais mewn grae llwyd.
33â â â Cathlef lân diddan yw'r dau,
34â â â Cethlydd, awenydd winau.
35â â â Cantor o gapel Celi,
36â â â Coel fydd teg, celfydd wyd di.
37â â â Cyfar fraint, aml gywraint gân,
38â â â Copa, a llwyd yw'r capan.
39â â â Cyfeiria'r wybr cyfarwydd,
40â â â Cywyddol, dir gweundir gwydd.
41â â â Dyn uwchben a'th argenfydd,
42â â â Dioer, pan fo hwyaf y dydd.
43â â â Ban ddelych i addoli,
44â â â Dawn a'th roes Duw Un a Thri,
45â â â Nid brig pren uwchben y byd
46â â â A'th gynnail, mae iaith gennyd,
47â â â Ond rhadau y deau Dad
48â â â A'i firagl aml a'i fwriad.
49â â â Difri yr wybrfor dyrys,
50â â â Dos draw hyd gerllaw ei llys.
51â â â Bychan, genthi bwyf fi, fydd
52â â â Bâr Eiddig un boreddydd.
53â â â Mae arnad werth cyngherthladd
54â â â Megys na lefys dy ladd.
55â â â Be rhôn a'i geisio, berw hy,
56â â â Bw Eiddig on'd byw fyddy.
57â â â Mawr yw'r sercl yt a berclwyd,
58â â â Â bwa llaw mor bell wyd.
59â â â Trawstir sathr, trist yw'r saethydd,
60â â â Trwstan o'i fawr amcan fydd.
61â â â Trwch ei lid, tro uwch ei law
62â â â Tra êl â'i hobel heibiaw.