Yr Iwrch

	Tydi'r cariwrch ffwrch ffoawdr,

	Hediad wybren, lwydwen lawdr,

	Dwg hyn o lythr talmythrgoeth

4	Er Duw nef ar dy din noeth.

	Cyflymaf wyd, cofl lemain,

	Negesol, cywyddol cain.

	Rho Duw, iwrch, rhaid yw erchi

8	Peth o lateieth i ti.

	Grugwal goruwch y greigwen,

	Gweirwellt a bawr gorwyllt ben.

	Talofyn gwych teuluaidd,

12	Llamwr allt, llym yw ei raidd.

	Llama megis bonllymoen

	I'r rhiw, teg ei ffriw a'i ffroen.

	Fy ngwas gwych, ni'th fradychir,

16	Ni'th ladd cŵn, hardd farwn hir.

	Nod fawlgamp, n'ad i filgi

	Yn ôl tes d'oddiwes di.

	Fy llatai wyd anwydael

20	A'm bardd at Ddyddgu hardd hael.

	Dwg dithau, deg ei duthiad,

	Y daith hon i dŷ ei thad.

	Nac ofna di saeth lifaid,

24	Na chi yn ôl o chai naid.

	Gochel Bali, ci coesgoch,

	Ac Iolydd, ci efydd coch.

	Adlais hued a gredir,

28	O daw yn d'ôl Dywyn dir

	Dos i'r llaid, dewiswr lludd,

	Deall afael dull Ofydd.

	Neidia goruwch hen adwy

32	I'r maes ac nac aro mwy.

	Mab maeth erioed glyngoed glân,

	Main dy goes, myn di gusan.

	Ymochel, n'ad dy weled,

36	Dros fryn i lwyn rhedyn rhed.

	Debre'r nos heblaw'r ffosydd

	Dan frig y goedwig a'i gwŷdd

	Â chusan ym, ni'm sym seth,

40	Dyddgu liw eirblu eurbleth.

	Cyrch yno'r cariwrch hynod

	Carwn, dymunwn fy mod.

	Ni'th fling llaw, bydd iach lawen,

44	Nid â dy bais am Sais hen,

	Na'th gyrn, f'annwyl, na'th garnau,

	Na'th gig nis caiff Eiddig gau.

	Duw i'th gadw, doeth a geidwad,

48	A braich Cynfelyn rhag brad.

	Minnau wnaf, o byddaf hen,

	Dy groesi, bryd egroesen.