â â â Galw ar Ddwynwen
1â â â Dwynwen deigr arien degwch,
2â â â Da y gwyr o gôr fflamgwyr fflwch
3â â â Dy ddelw aur diddoluriaw
4â â â Digion druain ddynion draw.
5â â â Dyn a wylio, gloywdro glân,
6â â â Yn dy gôr, Indeg eirian,
7â â â Nid oes glefyd na bryd brwyn
8â â â A êl ynddo o Landdwyn.
9â â â Dy laesblaid yw dy lwysblwyf,
10â â â Dolurus ofalus wyf.
11â â â Y fron hon o hoed gordderch
12â â â Y sydd yn unchwydd o serch,
13â â â Hirwayw o sail gofeiliaint,
14â â â Herwydd y gwn, hwn yw haint,
15â â â Oni chaf, o byddaf byw,
16â â â Forfudd, llyna oferfyw.
17â â â Gwna fi yn iach, wiwiach wawd,
18â â â O'm anwychder a'm nychdawd.
19â â â Cymysg lateirwydd flwyddyn
20â â â Â rhadau Duw rhod a dyn.
21â â â Nid rhaid, ddelw euraid ddilyth,
22â â â Yt ofn pechawd fethlgnawd fyth.
23â â â Nid adwna, da ei dangnef,
24â â â Duw a wnaeth, nid ai o nef.
25â â â Ni'th wyl mursen eleni
26â â â Yn hustyng yn yng â ni.
27â â â Ni rydd Eiddig ddig ddygnbwyll
28â â â War ffon i ti, wyry ei phwyll.
29â â â Tyn, o'th obr, taw, ni thybir
30â â â Wrthyd, wyry gymhlegyd hir,
31â â â O Landdwyn, dir gynired,
32â â â I Gwm-y-gro, gem o Gred.
33â â â Duw ni'th omeddawdd, hawdd hedd,
34â â â Dawn iaith aml, dyn ni'th omedd.
35â â â Diamau weddïau waith,
36â â â Duw a'th eilw, du ei thalaith.
37â â â Delid Duw, dy letywr,
38â â â Dêl i gof, dwylaw y gwr,
39â â â Traws oedd y neb a'i treisiai,
40â â â Tra ddêl i'm ôl trwy ddail Mai.
41â â â Dwynwen, pes parud unwaith
42â â â Dan wydd Mai a hirddydd maith,
43â â â Dawn ei bardd, da, wen, y bych;
44â â â Dwynwen, nid oeddud anwych.
45â â â Dangos o'th radau dawngoeth
46â â â Nad wyd fursen, Ddwynwen ddoeth.
47â â â Er a wnaethost yn ddawnbwys
48â â â O benyd y byd a'i bwys;
49â â â Er y crefydd, ffydd ffyrfryw,
50â â â A wnaethost tra fuost fyw;
51â â â Er yr eirian leianaeth
52â â â A gwyrdawd y coethgnawd caeth;
53â â â Er enaid, be rhaid yrhawg,
54â â â Brychan Yrth, breichiau nerthawg;
55â â â Eiriol er dy greuol gred,
56â â â Yr em wyry, roi ymwared.