Yr Ehedydd | |
Oriau hydr yr ehedydd | |
A dry fry o'i dŷ bob dydd, | |
Borëwr byd, berw aur bill, | |
4 | Barth â'r wybr, borthor Ebrill. |
Llef radlon, llywiwr odlau, | |
Llwybr chweg, llafur teg yw'r tau: | |
Llunio cerdd uwch llwyni cyll, | |
8 | Lledneisgamp llwydion esgyll. |
Bryd y sydd gennyd, swydd gu, | |
A brig iaith, ar bregethu, | |
Braisg dôn o ffynnon y ffydd, | |
12 | Breiniau dwfn garbron Dofydd. |
Fry yr ai, iawnGai angerdd, | |
Ac fry y ceny bob cerdd. | |
Fy llwyteg edn, fy llatai, | |
16 | A'm brawd awdurdawd, od ai, |
Annerch gennyd wiwbryd wedd, | |
Loyw ei dawn, leuad Wynedd, | |
A chais un o'i chusanau | |
20 | Yma oe ddwyn ym, neu ddau. |
Mygr swyn gerllaw magwyr sêr, | |
Maith o chwyldaith uchelder, | |
Dogn achub, digon uched | |
24 | Y dringaist, neur gefaist ged. |
Dysgawdr mawl rhwng gwawl a gwyll, | |
Disgyn, nawdd Duw ar d'esgyll. | |
Moled pob mad creadur | |
28 | Ei greawdr, pefr lywiawdr pur. |
Moli Duw mal y dywaid, | |
Mil a'i clyw, hoff yw, ni phaid. | |
Modd awdur serch, mae'dd ydwyd? | |
32 | Mwyn groyw yw'r llais mewn grae llwyd. |
Cathlef lân diddan yw'r dau, | |
Cethlydd, awenydd winau. | |
Cantor o gapel Celi, | |
36 | Coel fydd teg, celfydd wyd di. |
Cyfar fraint, aml gywraint gân, | |
Copa, a llwyd yw'r capan. | |
Cyfeiria'r wybr cyfarwydd, | |
40 | Cywyddol, dir gweundir gŵydd. |
Dyn uwchben a'th argenfydd, | |
Dioer, pan fo hwyaf y dydd. | |
Ban ddelych i addoli, | |
44 | Dawn a'th roes Duw Un a Thri, |
Nid brig pren uwchben y byd | |
A'th gynnail, mae iaith gennyd, | |
Ond rhadau y deau Dad | |
48 | A'i firagl aml a'i fwriad. |
Difri yr wybrfor dyrys, | |
Dos draw hyd gerllaw ei llys. | |
Bychan, genthi bwyf fi, fydd | |
52 | Bâr Eiddig un boreddydd. |
Mae arnad werth cyngherthladd | |
Megys na lefys dy ladd. | |
Be rhôn a'i geisio, berw hy, | |
56 | Bw Eiddig on'd byw fyddy. |
Mawr yw'r sercl yt a berclwyd, | |
 bwa llaw mor bell wyd. | |
Trawstir sathr, trist yw'r saethydd, | |
60 | Trwstan o'i fawr amcan fydd. |
Trwch ei lid, tro uwch ei law | |
Tra êl â'i hobel heibiaw. | |